Atletiko Madrid nuk ka ndërmend të ndalet në këtë merkato, ditën e sotme madrilenët kanë zyrtarizuar edhe një blerje tjetër.
Bëhet fjalë për Ivan Saponjiç, i cili është transferuar nga portugezët e Benfikës. Nëpërmjet një postimi në faqen zyrtare, klubi spanjoll ka njoftuar zyrtarizimin e sulmuesit 21-vjeçar.
Serbi është blerja e gjashtë në këtë sezon për “los kolçoneros”, pas blerjeve të Zhoao Feliks, Markos Jorente, Hektor Herrera, Felipe dhe Renan Lodi. Lojtari ka firmosur kontratë 3-vjeçare, e cila e mban të lidhur deri në vitin 2022 me ekipin madrilen.
