Zhoao Miranda tashmë nuk është më një lojtar i Interit, pasi ka zyrtarizuar transferimin tek kinezët e Jiangsu Suning.
Nëpërmjet një postimi në faqen zyrtare në “Twitter”, skuadra zikaltër ka njoftuar se mbrojtësi brazilian, do të transferohet në kampionatin kinez tek Jiangsu Suning.
34-vjeçari u bashkua me Interin në 2015, dhe gjatë katër sezoneve me zikaltërit, ai zhvilloi 121 ndeshje duke shënuar edhe një gol. Jiangsu Suning dhe Interi janë të dyja në pronësi të Grupit Suning, dhe kjo ka bërë që transferimi të jetë i lehtë për tu realizuar.
Raportohet se Miranda do të nënshkruajë një kontratë 3-vjeçare, me klubin kinez, që do ta mbajë të lidhur deri në verën e 2022. Për mbrojtësin interesohej edhe Monako, por braziliani vendosi ta vazhdojë karrierën e tij larg Europës.
