Federiko Kieza prej kohësh kërkon largimin nga Fiorentina, dhe dëshiron transferimin tek Juventusi.
Sulmuesi po shtyn drejtuesit ta lejojnë atë të kalojë tek “zonja e vjetër”, por ata nuk heqin dorë nga shërbimet e lojtarit.
Për këtë ka folur edhe drejtori sportiv i Fiorentinës: “Unë mendoj se klubi ka qenë shumë i qartë për Kiezën, dhe dëshirën tonë për ta mbajtur atë. Federiko është një djalë shumë i mirë, por ai duhet të kuptojë nevojat tona si një klub me një pronar të ri, duke u përpjekur të ndërtojmë një ekip me themele të forta.”, u shpreh Prade.
Kieza është një nga lojtarët më të mirë të Serisë A, ku ka zhvilluar ndeshje shumë të mira me Fiorentinën dhe kombëtaren e Italisë. Pikërisht paraqitjet e mira kanë bërë, që për lojtarin të shfaqë interes një klub i madh si Juventusi.
