David De Gea ishte me valixhe në duar për tu larguar nga Mançester Junajtid, dhe së fundmi anglezët kanë marrë një vendim për sa i përket të ardhmes së portierit spanjoll.
Drejtuesit anglezë i kanë ofruar portierit të kombëtares së Spanjës, rinovimin e kontratës. 28-vjeçari ka pranuar të rinovojë kontratën, e cila do ta mbajë të lidhur me “djajtë e kuq”, deri në qershorin e 2025.
Gardiani spanjoll do të përfitojë 21 milionë euro në sezon, duke u bërë kështu portieri më i paguar në botë, dhe futbollisti i dytë më i paguar tek Junajtid pas Aleksis Sançez.
Lojtari do të firmosë kontratën e re, pas kthimit nga Azia ku po zhvillojnë fazën përgatitore. Në fillim të merkatos qarkullonin zëra se portieri do të largohej nga “Old Trafford”, por mesa duket e ardhmja e tij do të vazhdojë të jetë tek Junajtid.
