Akil Gjakova ka arritur të fitojë medaljen e artë në finale të Grand Prixit në Budapest.
Gjakova është shpallur kampion në kategorinë -73 kilogramë duke mposhtur xhudistin rus Georgil Elbakiev.
Në finale, Akil Gjakova u tregua shumë i fuqishëm për xhudistin rus Georgii Elbakiev, të cilën e mposhti për t’i siguruar Kosovës medaljen e parë të artë në këtë kompeticion.
Kjo është medalja e gjashtë për 23-vjeçarin në Turneun Botëror të IJF, ku përfshihen tituj të Masters, Grand Slams e Grand Prix.
Në këtë garë, Kosovën e përfaqësuan dje edhe tri xhudiste femra: Majlinda Kelmendi, Nora Gjakova dhe Distria Krasniqi. Këto dy të fundit fituan nga një medalje të argjendtë, ndërsa Majlinda e mbylli garën pa medalje.
