Karriera e Elvis Kabashit ende nuk ka marrë formën të cilën pretendonte mesfushori shqiptar.
Futbollisti, i cili më parë ka qenë pjesë edhe e të rinjve të Juventusit, së fundmi ishte transferuar në Rumani, teksa ishte pjesë e Dinamos së Bukureshtit.
Në fakt, ky ishte një hap i madh për Kabashin, megjithatë gjërat nuk shkuan sipas planit, ndërsa 25-vjeçari nuk arriti të bindë rumunët për të firmosur një kontratë.
Kështu, Kabashi u rikthye sërish në Itali, në ndjekje të një klubi të ri.
Ndërkaq, ka qenë skuadra e Renates në Serinë C, e cila ka zyrtarizuar transferimin e Kabashit.
Mesa duket mesfushori është bindur nga këta të fundit, ndërsa do të nisë karrierën në Itali nga skuadra e Renates.