Gentian Selmani kaloji një periudhë të artë tek ekipi i Laçit. Portieri arriti majat me ekipin kurbinas që në një moshë shumë të re.
Ai vendosi që t’i qëndronte besnik ekipit laçian, deri sa t’ vinte një ofertë bindëse nga jashtë, duke mos u tunduar nga ofertat që i vini nga klube të tjera të Superligës.
Tani, Selmani është bërë pjesë e Menemenspor në Turqi. Por futbollisti nuk mundë të largohej pa kujtuar të gjithë ata që e kanë ndihmuar në karrierë.
Me një postim në rrjetet sociale ai i ka falënderuar të gjitha ata që e ndihmuan në këtë rrugëtim.
“Përshëndetje të gjithëve. Dua t’ju njoftoj që aventurës time të mrekullueshme te ekipi i Laçit i erdhi fundi. Kam kaluar 4 sezone të mrekullueshme në këtë klub”.
“I jam mirënjohës dhe e falënderoj presidentin Pashk Laska, i cili ishte i pari që besoi te unë në moshën 17 vjeçare duke më dhënë mundësinë të mbroja portën e ekipit. Falënderoj zv.presidentin Kleo Laska, drejtorët Naim Halili dhe Dario Pali”.
“Një falënderim për punëtorët e klubit, nga shoferi dhe punëtorët e fushës deri tek i fundit. Ju jam mirënjohës për gjithçka”.
“FALEMINDERIT”, ishte postimi i Selmanit.
