Barcelona e nis me humbje International Champions Cup. Në sfidën ndaj Chelseat, që shënoi dhe debutimin e tre blerjeve të rëndësishme të verës, Griezmann, De Jong dhe Neto, katalanët u mposhtën 2-1 nga Chelsea në stadiumin e Saitamas në Japoni.
Një gabim në dalje i Sergio Busquets, të cilit ia rrëmbeu topin Jorginho, i dha mundësinë Abrahamit që përballë Ter Stegenit të zhbllokonte takimin.
Në pjesën e dytë, më pak se 10 minuta para përfundimit të kohës së rregullt, Barkley gjeti për herë të dytë rrjetën për blutë e Londrës.
Gjithsesi, në kohën shtesë “blaugranat” shkurtuan 2-1 diferencën me Rakitic, por pa mundur ta shmangnin humbjen.
