U luajt në Kinë ndeshja miqësore mes Juventusit dhe Interit, e vlefshme për “Internacional Champions Cup”.
Juventusi fitoi falë penalltive, ku Buffon u tregua hero, duke pritur 3 gjuajtje të zikaltërve.
Koha e rregullt përfundoi në barazim 1-1, ku u shënua nga një gol për secilën pjesë loje.
Në minutën e 10-të, nga një goditje këndi, blerja e bujshme e Juventusit, Matthijs De Ligt, shkakton autogol.
Interi e mbylli pjesën e parë 1-0, por Ronaldo në minutën e 68-të nga një goditje dënimi, me topin që devijohet dhe përfundon në rrjetë, barazon shifrat, 1-1.
Deri në fund rezultati nuk ndryshoi dhe u deshën gjuajtjet e 11-metërshave për të shpallur fituesin.
Bardhezinjtë arritën të realizonin 4 herë nga 6 gjuajtje, kundrejt 3 të zikaltërve po nga 6 gjuajtje, duke fituar testin me rivalin për titull në Serie A.
