Jadon Sancho është një nga emrat kryesorë që prej më shumë se një viti përflitet për një rikthim në Manchester, por në krahun tjetër të qytetit, tek United. Ylli i Dortmund është rritur te Manchester City përpara se të transferohej në Gjermani.
Verën e vitit të shkuar, sulmuesi u përfol shumë për transferimin tek United, por asgjë nuk u konkretizua dhe duket se historia është mbyllur. Diçka të tillë e bën me dije “Sky Sport” që raporton se drejtuesit e Manchester United kanë vendosur të mos i rikthehen çështjes “Sancho”.
Palët kanë qenë shumë pranë një marrëveshje vitin e shkuar sipas “Sky Sport” dhe gjërat shkuan keq në fund, duke sjellë edhe këtë vendim të marrë nga drejtuesit e United, për të mos u rifutur në bisedime për blerjen e Sanchos.
