Arsenali është duke kaluar një formë shumë të mirë dhe pas fitores 2-1 ndaj Bajernit, këtë herë ka arritur të mposht Fiorentinën 3-0, në ndeshjen miqësore të “Internacional Champions Cup”.
Skuadra e drejtuar nga Unai Emeri e ka dominuar lojën dhe nuk e ka vënë asnjëherë në dilemë fitoren. Në minutën e 15-të dhe të 65-të ishte Nketiah, ai që shënoi dy golat për ekipin e tij.
Ndërkaq Uillok ishte ai që vulosi shifrat në 3-0, pas një asisti të Lakazet, në minutën e 89-të të takimit.
Reali i Madridit do të jetë kundërshtari i radhës për Arsenalin, që do të testojë më së miri veten me madrilenët.
