Elis Bakaj është duke kaluar një formë të shkëlqyer këtë sezon te Shakhtyor Soligorsk në kampionatin bjellorus. Sulmuesi shqiptar ishte protagonist absolut në ndeshjen e zhvilluar ditën e shtunë, teksa realizoi dopietë, si dhe asistoi në golin tjetër të shënuar në triumfin 3-2 ndaj FC Minsk.
Kësisoj Bakaj është zgjedhur në formacionin më të mirë të javës së 14-të, duke marrë plot 46% të votave në një sondazh të zhvilluar në një prej faqeve më të mëdha rreth futbollit bjellorus.
Dopieta e realizuar ndaj Minsk, e ngjiti Bakaj në kuotën e 6 golave, duke u renditur i treti në listën e golashënuesve. Futbollisti 32-vjeçar ka dhënë gjithashtu edhe 5 asist në kampionat.
