Edhe pasi tifozët e skuadrës torineze i kërkuan që të qëndronte. E ardhmja e Gonzalo Higuain, duket se është larg skuadrës së Juventus.
Drejtues të skuadrës juventine kanë marrë ofertë nga klubi anglez i West Ham United, për “Pipitan”.
Sipas asaj që raporton” Gianluca Di Marzzio” ekipi anglez e ka kërkuar fillimisht Gonzalon në formë huazimi, me të drejtën blerjes përfundimtare. Por juventusit nuk i pëlqejnë të tilla llogari, dhe ka vendosur një çmim prej 40 milion eurosh për lojtarin e tyre duke mos bërë kompromise.
“Zonja e Vjetër” do të vlerësojë ofertat dhe do të tentojë zgjidhjen më të mirë të mundshme, për t’i gjetur një klub të ri sulmuesit. Vetë Higuain dëshiron të konfirmohet si sulmues i frikshëm për mbrojtjet dhe portat kundërshtare, pas një sezoni të keq huazimesh te Milani dhe Chelsea.
