Xhan Piero Ventura e ka nisur aventurën e tij te skuadra e Salernitanas në Serinë B italiane me dy kërkesa. Alesio Çerçi dhe Ledian Memushaj kanë përfunduar në radarët e skuadrës italiane që është në pronësi të Klaudio Lotitos.
Për mesfushorin e Kombëtares shqiptare ka pasur një takim mes menaxherit të tij dhe drejtuesve të skuadrës, teksa i është bërë me dije plani i trajnerit dhe dëshira e tij për ta pasur në skuadër për sezonin e ri.
Mirëpo, krahas dëshirës së lojtarit që duket se ka qenë e madhe për t’iu bashkuar Venturas, duket se problem mund të jetë paga dhe përfitimi vjetor i tij prej rreth 500 mijë eurosh, që e bëjnë të vështirë transferimin nga Peskara te Salernitana. Në rast realizimi të dy kërkesave të trajnerit Ventura, shqiptari do të kishte mundësinë të ishte në një skuadër me ish-sulmuesin e Milanit.
