Shpëtim Duro do të jetë trajneri i ri i Kukësit, teksa do të zëvendësojë Ernest Gjokën, e shkarkuar për rezultate të dobëta në Ligën e Europës.
Lajmi është mësuar ekskluzivisht nga “Panorama Sport”. Presidenti Gjici ka vendosur t’i besojë skuadrën trajnerit 59-vjeçar. Në skenë për të marrë drejtimin e Kukësit, ishte edhe Ilir Daja, mirëpo, palët edhe pse kishin gjetur një konsensus për anën financiare dhe detajet teknike, u prishën në fund për shkak se kërkesat e trajnerit Daja u cilësuan si të ekzagjeruara nga drejtuesit verilindorë.
Ndërkohë, pak minuta më parë, nëpërmjet një postimi në faqen zyrtare, klubi i Kukësit, bëri me dije, se trajneri i ri do të prezantohet ditën e nesërme në orën 10:00 në ambientet e klubit.
NJOFTIMI I KUKËSIT:
Nesër prezantohet trajneri i ri i FK Kukësit!
Nesër, ora 10:00 në ambientet e Klubit, do të prezantohet trajneri i ri i skuadrës së FK Kukësit.
Ftojmë të gjithë përfaqësuesit e Mediave që janë të interesuar për të pasqyruar prezantimin e kreut të ri të pankinës sonë.
Faleminderit!