Para pak ditësh Real Madridi zyrtarizoi blerjen e Mendi, nga francezët e Lionit.
Mbrojtësi francez iu bashkua Realit, në një marrëveshje për shumën e 55 milionë eurove. 25-vjeçari u transferua si zëvendësuesi i Marselos, në rast se forma e këtij të fundit nuk shfaqet e mirë.
Për transferimin e tij ka folur edhe legjenda franceze Kristian Karembeu, i cili luajti për 3 sezone me Realin: “Unë mendoj se nënshkrimi i Ferland Mendy nga Real Madridi është një mundësi e mirë për lojtarin, dhe ai do të jetë shumë i rëndësishëm në projektin e Zinedin Zidan. Ai gjithashtu mund të luajë në krahun e djathtë, dhe mund të bëhet një Roberto Karlos ose një Marselo tjetër.”, u shpreh Karembeu për L’Equipe.
Kujtojmë se Karembeu luajti tek Real Madridi, nga viti 1997 der në vitin 2000. Duke pasur përkrahë tij në mbrojtje, edhe yllin brazilian Roberto Karlos.
