Shkodran Mustafi është duke kaluar pushimet në Greqi përpara nisjes së sezonit të ri. E ardhmja e qendërmbrojtësit gjerman me origjinë shqiptare është ende e panjohur, pasi trajneri Unai Emeri thuhet se ka hequr dorë nga shërbimet e tij.
27-vjeçari i nisi bukur pushimet verore, duke marrë pjesë në martesën e shokut të skuadrës së Arsenalit, Sead Kolasinaç. Më pas, mbrojtësi iu drejtua ishullit grek, Mikonos, ku bashkë me familjen po marrin rrezet e diellit të nxehtë në Mesdhe.
Ish-lojtari i kombëtares gjermane u bë VIP-i i fundit i sportit që provoi ushqimin e përgatitur nga Salt Bae. Ai, madje, mori edhe dy fëmijët për të shijuar gatimet e kuzhinierit të famshëm.
