Vazhdon merkatoja e bujshme në kampionatin kosovar. Drita ka prezantuar sot goditjen e radhës. Bëhet fjalë për ish-sulmuesin e Tiranës, Xhilberto Fortunato.
31-vjeçari i është bashkuar skuadrës nga Gjilani, teksa ka qenë vetë klubi, që nëpërmjet një video në faqen zyrtare ka prezantuar afrimin e bujshëm.
Braziliani ka qenë pjesë e Dritën, edhe në vitin 2016, ku u aktivizua 9 ndeshje, duke realizuar 2 gola. Gilberto më pas u larguar pasi kishte një ofertë të majme nga Malajzia. Së fundmi Fortunato ishte pjesë e ekipit Sport Boys në Bolivi, teksa karriera ka qenë e larmishme.
Kujtojmë që sulmuesi në të kaluarën ka mbajtur veshur fanellën e 2 klubeve të Superiores, Tiranës dhe Flamurtarit. Me bardheblutë numëron 20 takime, ku arriti të shënonte 5 gola, ndërkohë që me vlonjatët u aktivizua 12 takime dhe shënoi 12 gola.