Filipe Luiz e ka vazhduar aventurën e tij në Brazil, aty ku është bërë pjesë e Flamengos pasi vendosi të largohej nga Atletiko Madrid.
Mbrojtësi brazilian ka dalë në konferencë për mediat pasi u rikthye në Brazil pas plot 15 vitesh.
Konferenca po shkonte mirë, deri në momentin kur nga telefoni i njërit prej gazetarëve, ka dalë një pasthirrmë erotike.
I vënë në këtë situatë, gazetari ka ditur ta ndalë shpejt, megjithatë nuk mundi të ndalte reagimin e të pranishmëve në sallën e konferencës.
Luiz ishte i pari që qeshi nga skena e krijuar, ndërkohë që të qeshurat u shtuan edhe nga salla që për disa sekonda, e kishin të vështirë të mblidhnin veten. E gjitha kaloi me humor, ndërkohë që konferenca vazhdoi më pas si zakonisht.
