Trajneri i Liverpulit, gjermani Jyrgen Klop, në fund të ndeshjes së fituar kundër Çelsit 1-2 në “Stamford Bridge”, është shprehur i kënaqur me fitoren.
“Ishte një ndeshje e mirë mes dy skuadrave të mira. Kemi shfrytëzuar goditjet e lira në momente deçizive dhe kemi marrë më të mirën. Në pjesën e dytë kemi pasur të paktën dy shanse për të thelluar avantazhin përpara se Kanté të bënte atë depërtim dhe të shënonte golin”, shprehet Klop.
Më tej gjermani shton: “Me rezultatin 1-2 ne mbrojtëm mirë, loja ishte emocionuese dhe ne jemi në krye të tabelës me pikë të plota. Mané? Ai kishte një goditje të keqe, ai është mirë, por unë duhej ta hiqja atë”.
