Gjatë kësaj vere, Barcelona ka në plan që të bëjë disa ndryshime në “garniturën” e saj, ndërkohë që pritet që në klubin katalanas të kthehet Neymar, sidoqoftë ndryshimet e parashikuara nuk kanë lidhje vetëm me kthimin eventual të futbollistit brazilian, por edhe me konkurrimin e madh në këtë klub.
Trajneri Ernesto Valverde, në fakt, ndodhet midis “vuajtjesh të ëmbla”, pasi ka shumë lojtarë cilësorë, midis të cilëve ai duhet të zgjedhë më të mirët, ndërkohë që Barcelonës sapo i është bashkuar edhe Antoine Griezmann.
Sidoqoftë, “problem” i Valverdes është mesfusha, ku ai ka në dispozicion nëntë futbollistë për vetëm tre vende të lira.
Presidenti i klubit duhet ta zgjidhë këtë problem deri në fund të sezonit veror të transferimeve që t’u shmanget problemeve të tjera të padëshiruara.
Që të luajnë në mesfushë, do të konkurrojnë Buskets, i sapoardhuri De Jong, Rakitiçi, Alenja, Artur, Serzhi Roberto, Vidal, Rafinja dhe Cutinho.
