Laçi bëri një përfaqësim dinjitoz në Kupat e Europës, ndonëse nga fundi i sezonit të shkuare deri më sot, skuadra bardhezi ka bërë disa lëvizje. Madje edhe lojtarë titullarë të kampionatit të kaluar, të cilët janë larguar në skuadra brenda dhe jashtë vendit.
Duke filluar që nga kapiteni Selmani, Najdenov, Galiç, Mane, Toro, mersinaj, Çokaj, Pjeshka, Çema, Okpotu, Jonuzi, Bushi, Smaçi apo Eler. Pra, më shumë se një skuadër, ndërkohë që drejtuesit kanë bërë edhe afrime mjaft cilësore në merkaton e verës.
Nuk përjashtohet mundësia që nga bardhezinjtë të ketë edhe ndonjë tjetër elementë që mund të largohet, ashtu sikurse drejtuesit po synojnë që të bëjnë edhe 2-3 goditje në merkaton e verës deri në startin e sezonit të ri.
Bardhezinjtë do të tentojnë në sezonin e ardhshëm që të jenë në vendet e kreut dhe pse jo fitimin e trofeve, pasi tashmë kanë eksperiencë në Superiore.