Milani po punon për merkaton në hyrje, por gjithashtu nuk harron edhe merkaton në dalje.
Pas mbërritjes së Teo Hernandez, në krahun e majtë të mbrojtjes së Milanit janë plotë katër lojtarë. Numër i madh ky, duke menduar se kuqezinjtë luajnë vetëm në kampionat dhe Kupën e Italisë.
Për këtë arsye drejtuesit, po mendojnë të largojnë një nga mbrojtësit e atij krahu. Sipas asaj që shkruan “Tuttosport”, Laksalt mund të largohet këtë verë, për shkak se ai është lojtari që ka më shumë kërkesa.
Për 26-vjeçarin interes kanë shfaqur Atalanta dhe Zeniti, dhe çmimi që Milan kërkon për ta lënë të lirë uruguaianin është 15 milionë euro. Mesa duket aventura e mbrojtësit me kuqezinjtë do të zgjasë vetëm një sezon, për shkak se ai u transferua vetëm një vit më parë nga Xhenoa.