Pas largimit të Kutrones në drejtim të Uolverhemptonit, një tjetër sulmues është drejt largimit nga Milani.
Bëhet fjalë për Andre Silvën, i cili dështoi në vizitat mjekësore tek Monako, dhe u detyrua të kthehet në Milanello, ku nuk pritet të qëndrojë edhe për shumë gjatë. Sipas asaj që shkruan “Calciomercato”, në drejtim të Milanit, kanë ardhur disa oferta për sulmuesin portugez.
Futbollisti pëlqehet shumë francezët e Marsejës, të cilët pritet të nisin negociatat më drejtuesit kuqezi së shpejti, për transferimin e 24-vjeçarit në Francë.
Gjithashtu interes për ish-lojtarin e Portos ka shfaqur edhe Sauthemptoni, të cilët e shikojnë si profilin ideal për sulmin e tyre. Pas një viti tek Milani dhe huazimit një-vjeçar tek Sevija, mesa duket e ardhmja e lojtarit do të jetë në Angli ose në Francë.
