Pas Spinazzola dhe Diawara, drejtori sportiv i Romës, Petrachi, është gati të sjellë një tjetër futbollist në kryeqytetin italian.
Bëhet fjalë për mbrojtësin e Atalantës, Gianluca Mancini, i cili është vetëm një hap larg veshjes së fanellës verdhekuqe.
Sipas mediave në Itali, marrëveshja mes Romës dhe Atalantës është arritur për shifrën e 21 milionë eurove kesh, plus tre të tjera në formë bonusesh mbi paraqitjet e mbrojtësit 23-vjeçar, i cili në fushë pritet të marrë vendin e lënë bosh nga greku Kostas Manolas.
Nga ana tjetër, vetë Mancini pritet të nënshkruajë një kontratë 5-vjeçare, me një pagë prej rreth 2 milionë eurosh neto në sezon, ndërsa me ardhjen e tij, do të rritet numri i italianëve në skuadrën e Romës.
