Sebastian Vetel ishte protagonist në Çmimin e Madh të Britanisë, në garën e sotme të Formula 1, teksa në xhiron e 38-të, goditi nga pas Maks Verstapen.
Gjermani u parakalua nga piloti i Red Bull-it, i cili ishte dukshëm më i shpejtë, por piloti i Ferrarit kurrsesi nuk mund të pajtohej me këtë parakalim, dhe kërkoi të dilte sërish para holandezit.
Por, në përpjekje për ta parakaluar, ai e goditi nga pas, dhe të dy u përplasën, duke humbur pozicionet. Pas hetimit nga komisarët e garës, Vetel u penalizua me një penallti 10-sekonda, por përplasja ishte ajo që bëri bujë edhe në rrjetet sociale.
