“Oh, tani më pëlqen”. Mauricio Sarri është shprehur në këtë mënyrë dhe dëgjohet qartë zëri i tij, teksa gjatë seancës së djeshme ka parë në aksion disa kombinime të shpejta mes Kristiano Ronaldos dhe Gonzalo Higuainit.
Videoja, në të cilën aksioni mes portugezit dhe argjentinasit përfundon me golin e “Pipitas” është bërë virale në median italiane. Trajneri i ri i Juventusit duket shumë i kënaqur nga ato çfarë ka parë në stërvitje mes dy sulmuesve, edhe pse për momentin duket e vështirë që këto kombinime mes CR7 dhe Higuainit të vazhdojnë gjatë, duke qenë se fati i argjentinasit duket i shënuar, pasi atij i kërkohet që të gjejë një klub tjetër. Gjithsesi, në futboll nuk i dihet kurrë…
