Listës së gjatë të skuadrave që kanë shfaqur interes për Elseid Hysajn i është shtuar edhe Milani. Mediat italiane raportojnë se tri skuadra janë në ndjekje të shqiptarit dhe po shohin nga afër situatën e tij. Bëhet fjalë për Atletikon e Madridit, Romën dhe Milanin.
“Radio Kiss Kiss” në Napoli ka thënë se këto 3 skuadra kanë shfaqur interes zyrtar për mbrojtësin e Kombëtares shqiptare. Spanjollët kanë bërë ofertë konkrete për Napolin, por këta të fundit mbetën të pakënaqur. Napoli është duke pritur ende ofertën e duhur për të dhënë miratimin në transferimin e shkodranit. Hysaj nuk është paraqitur në grumbullim, pasi e ardhmja e tij është larg Napolit.
