Nisi ashtu siç duhej sezoni i ri për Interin, edhe pse bëhet fjalë vetëm për një miqësore.
Një start me këmbën e mbarë edhe për trajnerin Antonio Conte, për të cilin pritshmëritë në krye të zikaltërve janë të mëdha.
Me rezultatin 2-1 triumfoi Interi në testin me Luganon, ku shënuan blerja e re, Sensi, dhe Brozovic, ndërsa Icardi dhe Naingolan janë larguar nga grumbullimi.
Me mungesa të shumta në formacion dhe me skemën 3-5-2 ende në kolaudim, zikaltrit e nisën miqësoren me Handanovic në portë, D’Ambrosio, De Vrij dhe Skriniar në mbrojtje, ndërsa pesëshja e mesfushës përbëhej nga Candreva, Gagliardini, Brozoviz, Sensi e Perisic. Në sulm dyshja Esposito-Longo.
Në minutën e 25-të Sensi shënoi një gol të bukur, pasi mori një top nga Brozovic, ndërsa pak para se të mbyllej pjesa e parë dyfishoi De Vrij.
Gjatë pjesës së dytë Conte e ndryshoi të gjithë skuadrën, e për rrjedhojë 3 minuta para fundit të kohës së rregullt shkurtoi diferencën futbollisti kosovar, Leotrim Kryeziu.
