Futboll Seria A Sport

U SHPALLL KAMPION NË “COPA AMERICA”/ Befason Lucas Paqueta: Trajnerin Giampaolo e kam ndjekur tek…

Lukas Paketa pasi u shpall kampion në “Copa America” (luajti vetëm 5 minuta gjatë gjithë kompeticionit) nisi dje pushimet. Kujtojmë se braziliani iu bashkua Milanit në fund të dhjetorit të kaluar pa u ndalur asnjë ditë pas kampionatit të përfunduar me fanellën e Flamengos në Brazil.

Tashmë 21-vjeçari do të ketë leje deri më 29 korrik, datë në të cilën do të paraqitet nën urdhrat e Marko Xhampaolos. Duke folur për trajnerin e ri kuqezi, Paketa deklaroi:

“Trajnerin tim të ri do të kem mundësi ta njoh kur të kthehem nga pushimet e do të nis të stërvitem. Do të pushoj disa ditë sepse kam nevojë pas një sezoni sfilitës e më pas do të përqendrohem te Milani”. 13 ndeshje dhe një gol, mbase nuk janë maksimumi, por sezoni i parë te Milani i Paketas mund të cilësohet si pozitiv.

lukas paketa

Reagimi në sfidën me Kaljarin (i kuq plus skualifikim) dhe dëmtimi ndaj Udinezes i mbyllën më herët sezonin, por braziliani është një nga pikat kyçe për sezonin e ri, aq më tepër që skuadra do të luajë me fantazist, një rol të cilit ekspertët thonë se Paketa i përshtatet.

Duke u rikthyer te përvoja e tij në “Copa America”, azetarët në aeroportin e Rio de Zhaneiros, nga ku lojtarët e Brazilit morën avionët për destinacionet e tyre, e pyetën gjithashtu mesfushorin për modulin e ri që do të ketë Milani.

xhampaolo

“Nuk di të them nëse është skema më e mirë për mua, por punën e tij te Sampdoria e kam ndjekur dhe jam shumë i lumtur për zgjedhjen e drejtuesve. Nga ana ime uroj që të mundem të jap kontributin tim në cilindo modul që trajneri do të vendosë të na rreshtojë”.

Related posts

NGA RONALDO TEK LEWANDOWSKI/ Ja formacioni i yjeve që mund të humbasin Botërorin 2022… (FOTO)

Delo.autor

BAYERN NJË “MAKINERI” GOLASH/ Me Rydigerin, Nagelsmann do të kishte tre “spartanë” në mbrojtje

Delo.autor

Befason Aguero! I hapur për tu rikthyer në kampionatin spanjoll te…

Sadik.Autor

Leave a Comment