Patrik Cutrone u zyrtarizua ditën e sotme si lojtari më i ri i Wolves në Premier Ligë.
Sulmuesi italian la Milanin, pas shumë vitesh dhe tashmë do të provojë një aventurë të re.
Përmes një letre prekëse në “Instagram”, lojtari ka falendëruar të gjithë ata që e kanë mbështetur dhe iu ka dhënë lamtumirën.
“Do të doja të thosha shumë gjëra, por nuk di nga t’ia filloj. I dashur Milan, më mirëpritët 8 vjeç, isha një fëmijë që ëndërroja të shënoja në “San Siro”. Tani jam rritur si futbollist dhe si njeri. Kuqezi në fushë dhe në jetë. Një nder i jashtëzakonshëm.
Faleminderit për të gjithë, nga stafi tek shokët e mi. Dhe një përqafim i madh për të gjithë fansat e mi. Përgjithmonë në zemrën time, ju më bëtë të ndihem i dashur në çdo kohë. Të lija një kujtim në zemrën tuaj ishte fitorja më e bukur.
Uroj më të mirë për kompaninë që dua, shokët e tifozët. Me gjithë zemrën kuqezi. Patrik”, ka shkruar Cutrone në letrën e hapur.
