Berat Gjimshiti nuk u grumbullua në Kombëtare gjatë muajit qershor duke qenë se iu desh t’i nënshtrohej një ndërhyrjeje kirurgjikale.
Pas operacionit, mbrojtësi i Kombëtares ka nisur riaftësimin dhe tashmë e sheh veten të gatshëm për t’u rikthyer në fushën e blertë aty ku e la, pasi sezonin e mbylli në një formë mjaft të mirë.
Ditën e sotme, Gjimshiti është aktivizuar si titullar në fitoren që skuadra e tij mori ndaj Norwich me rezultatin 1-4, aty ku shkëlqeu sërish afrimi i ri i verës, Luis Muriel.
Ish-sulmuesi i Fiorentinës arriti të shënonte dy gola, ndërkohë që dy golat e tjerë u shënuan nga Pasalic dhe Barrow.
Gjimshiti ka luajtur plot 70 minuta dhe duket se do të jetë i gatshëm edhe për pjesën tjetër të përgatitjeve.
