Matthijs de Ligti, ishte dëshira e klubit të barcelonës, por tashmë pothuajse mbrojtësi holandez është zyrtarizuar tek Juventus.
Dhe tashmë skuadra “katalanase” është hedhur në sulm dhe po kërkon të marrë lojtarin e Manchester United.
E përditshmja spanjolle, “Mundo Deportivo”, raporton se kampionët e spanjës janë të interesuar për qendërmbrojtësin e “Djajve të Kuq”, Victor Lindelof.
Barcelona është e gatshme t’i filloj negociatat me Manchester United që këtë javë, për të arritur sa më shpejt të marrë shërbimet e suedezit. Megjithatë, ‘blaugranët’ nuk do ta kenë të lehtë ta bindë trajnerin Solskjaer, gjithashtu dhe drejtuesit e klubit të Manchesterit ta shesin Lindelofin. Pasi tashmë lojtari ka fituar besimin e ekpit, dhe ata nuk do ta lëshojnë kollaj.