Futboll I pakategorizuar Seria A Sport

“GARDIANI” FLET PËR TË ARDHMEN E TIJ/ Donnarumma: Dita e grumbullimit është……

Prej ditësh përflitet se është në merkato dhe se e ardhmja e tij do të jetë larg Milanit, por Giggio Donnarumma është aty, në grumbullim me kuqezinjtë e tjerë, nën urdhrat e trajnerit të ri Marco Giampaolo.

Gjatë ditës së sotme, pas Paolo Maldinit, në konferencë për shtyp u shfaq edhe gardiani i talentuar, që përveçse foli për nisjen e përgatitjeve. Theksoi se do të mbetet te Milani edhe në të ardhmen.

“Kam ardhur pak më herët për të qenë gati sot dhe për të qenë në dispozicion të trajnerit, për nisjen e përgatitjeve për sezonin e ri. Dita e grumbullimit për mua është gjithmonë si të ishte dita e parë te Milani. Mezi e pres dhe vij i emocionuar, për të qenë në dispozicion të skuadrës”, tha Donnarumma.

Portieri 20-vjeçar i Milanit dhe kombëtares italiane theksoi se objektivi i kuqezinjve për këtë sezon do të jetë rikthimi në Ligën e Kampionëve, një kompeticion të cilit i shkuan shumë pranë këtë sezon.

“10 minuta para se të përfundonte kampionati, ishim në Champions, por më pas përfunduam jashtë Europe. Tani duhet të punojmë shumë në fushë dhe të rikthejmë skuadrën në Champions, ndoshta jo duke i lënë gjërat për në javën e fundit. Unë jam 20 vjeç, por ndjej që jam përmirësuar në fushë dhe falë Milanit, ndihem më i pjekur dhe i rritur”, tha gardiani kuqezi.

Related posts

“KËSHTU E PAMË NË FUSHË…”/ Barcelona nuk ndalet, denoncon me video penalltinë e munguar ndaj Albës (VIDEO)

Delo.autor

TËRMETI TRAGJIK/ Situata e vështirë, FSHF-ja merr vendimin për shtyrjen e…

Delo.autor

FORMACIONET/ Ëndrra europiane e Kosovës nis nga Azerbajxhani (FOTO)

Isa.Autor

Leave a Comment