Orjan Xhemalaj është rikthyer tek Teuta.
Mesfushori 30-vjeçar ka arritur marrëveshjen me dursakët dhe do të vihen menjëherë në dispozicion të trajnerit Shkëmbi.
“Orjan Xhemalaj ka firmosur sot pasdite kontratën që e bën zyrtarisht pjesë të Teutës. Orjan Xhemalaj është përforcimi i radhës për skuadrën durrsake. Mesfushori është kthyer sërish në familje! #MirësevjenOrjanXhemalaj”, thuhet në njoftimin e Teutës.
Ky i fundit është rritur në ekipet e moshave të durrsakëve, madje bëri edhe debutimin në Superiore me ta, teksa në vitet 2007-2011, u aktivizua për 48 ndeshje.
Më pas 30-vjeçari luajti për një sezon me Dinamon, dy me Kamzën dhe prej vitit 2015 ishte pjesë e Erzenit të Shijakut, ndërsa tashmë rikthehet sërish aty ku e nisi me futbollin.
