Largimi i Nejmarit drejt Realit të Madridit i bën të lumtur edhe drejtuesit e Juventusit, të cilët duan të shmangin me çdo kusht transferimin e Paulo Dybalës drejt Interit.
Ka qenë vetë presidenti Andrea Agnelli, i cili ua ka bërë të ditur Nedved dhe Paraticit që Paulon nuk do ta shikojë me fanellën zikaltër. Kjo do të thotë se e ardhmja e Dibalës është e lidhur ngushtësisht me kalimin e Nejmarit te madrilenët. Në këtë mënyrë, PSG-ja do të hidhej menjëherë në sulm për argjentinasin e Juventusit dhe ky i fundit do të niste bisedimet me Leonardon.
Deri tani ka pasur disa thashetheme, por ende asnjë konfirmim për diçka të tillë. Këto zëra do të shndërrohen në diçka konkrete, atëherë kur Nejmar të ketë veshur zyrtarisht fanellën e bardhë të Realit.
