Mesa duket Real Madridi dhe PSG-ja, kanë rënë dakord për kalimin e Kejlor Navas në Francë.
Sipas lajmeve të fundit, thuhet se të dy klubet kanë arritur një marrëveshje për kalimin e portierit nga Kosta Rika në “Parc de Prince”. Vizitat mjekësore me klubin francez janë projektuar të zhvillohen gjatë fundjavës, kur do të vijë edhe zyrtarizimi.
Gjithsesi Navas nuk është lëvizja e vetme që do të ndodhë midis dy skuadrave, pasi me madrilenët pritet të bashkohet edhe një lojtar i parisienëve. Alfons Areola do të jetë zëvendësuesi i 32-vjeçarit te Real Madridi.
Portieri francez ka dhënë miratimin e tij për kalimin në “Santiago Bernabeu” dhe gjithçka është drejt mbylljes. 26-vjeçari do të kalojë në La Liga në formën e huazimit për një sezon dhe me shumë mundësi do të jetë portieri i dytë pas Kurtua.
