Massimo Carrera, ish-mbrojtës dhe ish-zëvendëstrajner i Juventus-it, ka folur për bardhezinjtë dhe për ndeshjen që ata do të luajnë të shtunën në mbrëmje në Allianz Stadium kundër Napoli-t.
“Juventus rrezikoi shumë pak në Parma. Për nga soliditeti dhe forca e treguar është dukur si skuadra e Allegri-t në disa momente, ajo ndaj së cilës është shumë e vështirë të shënosh”, ka thënë Carrera.
“Do të duhet pak kohë para se të shohim lojën e Sarri-t, por ka lojtarë të rëndësishëm që do të ndihmojnë në këtë fazë të re. Napoli? Ka në favor vazhdimësinë e projektit, ndërsa Juventus ka bërë disa ndryshime”.
“Për këtë arsye mendoj se diferenca mes bardhezinjve dhe axurrëve është ngushtuar. Të shtunën do të shohim një ndeshje të madhe”.
