Milani nuk mendon vetëm për këtë merkato, por kuqezinjtë mendojnë edhe për merkaton e ardhshme.
Drejtuesit kuqezi janë të interesuar, për të nënshkruar me mesfushorin e Borusia Monshengladbah, Florian Neuhauz. Milani dëshiron ta sigurojë lojtarin për verën e ardhshme, dhe thuhet se tashmë italianët janë takuar me agjentin e lojtarit. 22-vjeçari ka një kontratë deri në vitin 2021 me skuadrën gjermane, të cilët por përpiqen ta rinovojnë përsëri.
Gjithsesi kuqezinjtë po punojnë që të arrijnë një marrëveshje me lojtarin, në mënyrë që ta marrin atë me një çmim më të ulët në merkaton e ardhshme, dhe ta bindin të mos rinovojë kontratën. Në garë për shërbimet e mesfushorit gjerman është edhe Bajerni, dhe drejtuesit e Milanit po përshpejtojnë për të gjetur një akord me lojtarin.
Thuhet se mund të ketë një takim mes palëve në shtator, për të kuptuar më mirë situatën e lojtarit. Në Gjermani, shpesh Neuhauz krahasohet me legjendat si Mateus dhe Rikardo Kaka, i cili bëri histori me Milanin.