Neymar nuk ka luajtur asnjë minutë të vetme me skuadrën e PSG që nga fillimi i sezonit.
Emri i tij është përfolur për një largim të mundshëm nga skuadra, kjo përshkak të marrëdhënieve jo shumë të mira me drejtuesit parisien.
Dëshira e tij ishte ti bashkohej Barcelonës, por siç raportohet së fundmi nga “L’Equipe”, situata mes palëve është qetësuar.
Braziliani është shfaqur në stërvitje me skuadrën e Paris Saint Germain mëngjesin e sotëm.
Sipas asaj që raporton “L’Equipe” futbollisti është parë më i qetë se disa javë më parë. E re në këtë “telenovelë” është se Neymar dhe Leonardo flasin përsëri me njëri-tjetrin. Këtë e konfirmon ‘L’Équipe”, që shton se këtë javë janë parë së bashku në disa seanca trajnimi”.
Edhe dikush i afërt me lojtarin deklaron për mediat franceze që: “Nëse ndonjë klub paraqet ofertë që do kënaqi PSG, Neymar do të largohet. Ai nuk do të bëjë grevistin, as nuk do të ketë sjellje joprofesionale, nëse ndodh e kundërta. Si çdo herë që ka luajtur për PSG, Neymar nuk do të kursehet kurrë”.