Antonio Conte dëshiron një mesfushor te Interi dhe drejtuesit janë të gatshëm t’ia plotësojnë këtë kërkesë.
Dëshira e teknikut italian është lojtari i Barcelonës, Arturo Vidal, të cilin e ka stërvitur edhe gjatë kohës kur ishte në drejtimin e Juventusit, por është e vështirë për tu arritur një marrëveshje me katalanasit për mesfushorin kilian.
Në këtë situatë drejtuesit e Interit kanë misur të shikojnë për objektiva të tjerë dhe sipas asaj që shkruan “La Gazzetta dello Sport” zikaltërit po mendojnë për një lojtar të Juventusit. Bëhet fjalë për Blaise Matuidi, i cili nuk është në planet e teknikut Sarri dhe e ardhmja e tij pritet të jetë larg Torinos.
Mesfushori francez ka edhe një vit kontratë me “Zonjën e Vjetër” dhe skuadra nga Milano mund të provojë ta transferojë për një çmim të konsiderueshëm.
Megjithatë para se të nisin kontaktet për Matuidi, nga Interi duhet të largohet Borja Valero i cili thuhet se nuk është në planet e Kontes për sezonin e ri.
