Interi luajti në “San Siro” kundër Lecces ndeshjen e parë të sezonit të ri të Serie A.
Skuadra e drejtuar nga Antonio Conte fiton me rezultatin e thellë 4-0, duke marrë menjëherë kreun e renditjes.
Pjesa e parë u mbyll me fitoren e pastër 2-0 të skuadrës së drejtuar nga Antonio Conte, me golat e shënuar nga Marcelo Brozovic në minutën e 21-të dhe Sensi në të 24’.
Në pjesën e dytë, në minutën e 60-të, Romelu Lukaku shënon golin e tretë për Interin dhe të parin me fanellën zikaltër.
Më pas, në të 84’ është Candreva që me një “silurë” e dërgon topin për herë të katërt në rrjetë, duke vulosur fitoren 4-0.
