Trajneri i Manchester United Ole Gunnar Solskjaer ka dalë kundër drejtuesve të “djajve të kuq” në lidhje me çështjen Alexis Sanchez.
Kileni përflitej për një largim nga skuadra e United pasi paga e tij ishte e papërballueshme për klubin, dhe ata e kishin kërcënuar lojtarin se në qoftë se ai do të qëndronte do të luante me ekipin e dytë të skuadrës.
Mirëpo tekniku Solskjaer ka bërë një deklaratë të kundërt me atë të drejtuesve.
Norvegjezi u shpreh se Sanchez është një pjesë e rëndësishme e skuadrës .
Alexis është një profesionist i vërtetë. Ai erdhi këtu dhe po punon fort. Është pjesë e skuadrës dhe është një lojtar shumë i mirë. Nuk kemi shumë sulmues në dispozicion dhe ai mund të luajë më shumë ndeshje se sa ju mendoni. Ne presim që ai të vijë në formën më të mirë”, – tha Solskjaer.
