Qendërmbrojtësi i Juventus, Girorgio Chiellini ka folur mbi çështjen e shumë diskutuar në kampin e “Zonjës së Vjetër, atë të largimit të Paulo Dybalas nga skuadra.
Kapiteni i “bardhezinjve” u shpreh se Dybala ndjehej mirë në ekip, përkundër zërave për largim.
Pasi dështimit për transferimin te skuadra e Tottenham dhe Manchester United e fundit që ka mbetur në garë për shërbimet e argjentinasit është PSG, por Chiellini këmbëngul se Paulo është i lumtur aty ku ndodhet.
Paulo ka bërë një punë të shkëlqyer me ne gjatë ditëve të fundit,” u tha ai gazetarëve në turneun vjetor të Juve Villar Perosa.
” Dybala është i lumtur dhe ka një qëndrim të mirë, si të gjithë ne. Ai është një lojtar i Juventusit dhe ne jemi të lumtur. “