Kohët e fundit qarkullojnë lajme se Osman Dembele do të largohet nga Barcelona, me destinacionin më të mundshëm që duket kalimi te PSG-ja.
Thuhet se lojtari francez do të përfshihet në marrëveshjen për transferimin e Nejmarit në “Kamp Nou”.
Por, për t’i shuar këto zëra ka menduar agjenti i lojtarit i cili në një intervistë është shprehur: “ Dembele do të qëndrojë me 100% te Barcelona. Nuk ka asnjë shans që ai të largohet. Dëshira e lojtarit është të luajë dhe të fitojë me katalanasit.”, theksoi agjenti i lojtarit.
Lojtari nuk është aktivizuar shumë nën drejtimin e Valverdes dhe për këtë arsye kanë filluar të qarkullojnë lajme se lojtari do të largohet nga Bracelona, duke e lidhur atë me një kalim të mundshëm te kampionët e Francës.
Megjithatë sipas deklaratës së agjentit të tij, lojtari do të qëndrojë të paktën edhe për një vit me spanjollët, ku shpreson të ketë më shumë minuta.