Luka Modric do të qëndrojë te Reali i Madridit edhe gjatë këtij sezoni.
Edhe pse u përfol për një krisje të mesfushorit kroat me trajnerin Zidane dhe për një transferim të mundshëm të tij te Paris Saint Germain ose tek Milani, asgjë nuk është e vërtetë të paktën duke iu referuar gazetës spanjolle “AS” që ka intervistuar agjentin e fituesit të “Topit të Artë” për vitin 2018.
Në media vetëm një ditë më parë u hap lajmi se Reali i kishte bërë një ofertë prej 120 milionë eurosh plus Modric për kartonin e Neymar, por agjenti i kroatit ka mohuar këto lajme duke theksuar se klienti i tij nuk do të përfshihet në asnjë shkëmbim.
Mungesa e Modric në miqësoren ndaj Salzburgut kishte të bënte vetëm me faktin që mesfushori kishte pësuar një tërheqje muskulare.
