Monaco prej kohësh është në kërkim të një mesfushori dhe kanë hedhur sytë nga lojtari i Milanit, Franck Kessie.
Sipas asaj që shkruan “RMC Sport”, negociatat mes drejtuesve të Milanit dhe atyre të Monacos janë në rrugën e duhur dhe shumë shpejt pritet të arrihet një marrëveshje.
22-vjeçari pëlqehet shumë nga francezët, të cilët po punojnë për ta marrë atë në skuadrën e tyre.
Kessie shihet si një përforcim i mirë për skuadrën e drejtuar nga Leonardo Jardim, të cilët nuk po kalojnë aspak një formë të mirë, pasi në 3 ndeshjet e para në Ligë 1, kanë arritur të marrin vetëm 1 pikë.
Gjithsesi, në rast se nuk arrihet një marrëveshje për lojtarin e Milanit, te Monaco e kanë gati objektivin tjetër, pasi thuhet se drejtuesit e bardhekuqve kanë nisur kontaktet me Bakajoko, për një rikthim të mundshëm të tij në “Stade Luis”.
