Nëse Barcelona dëshironte që Neymar të merrte një qëndrim dhe të bënte presion ndaj Paris Saint-Germain për ta shitur përsëri në klubin katalunas, atëherë ata ia kanë arritur qëllimit të tyre. Nuk është një gjest publik, siç e ka thënë Drejtori Sportiv i PSG-së, Leonardo se ai po konsideron vetëm një transferim në Barcelona.
Lojtari e dinte që Barcelona po përgatiste një ofertë tjetër dhe ai është i vetëdijshëm se tani është momenti vendimtar në këtë sagë transferimesh verore.
Është bërë e qartë për Leonardon që braziliani dëshiron të kthehet në ish-shtëpinë e tij, dhe të mos shkojë tek Juventus ose Real Madrid.
Një delegacion i Blaugrana udhëtoi në Paris të martën për t’u takuar me Nasser Al-Khelaifi dhe Leonardon dhe për të paraqitur një ofertë të re prej 170 milion eurosh dhe një lojtar që mund të përfshijë Ousmane Dembele.
Mediat franceze kanë raportuar se PSG do të donte që Nelson Semedo të bëhej pjesë e marrëveshjes, por ai vetë nuk dëshiron të transferohet tek “Parc des Princes”.
Ka vetëm gjashtë ditë për të kaluar në treg dhe Barcelona ka marrë drejtimin në garën e Neymar, të forcuar nga dëshira e tij për të kaluar në Camp Nou.
Kjo do të thotë se, Juventus dhe Real Madrid janë duke pritur ecurinë e takimit pasi asgjë nuk është vendosur akoma. /AlpeSport.al
