Edin Dzeko mund të ishte një futbollist i Juventusit në sezonin që sapo ka nisur.
Lajmi është pohuar nga agjenti i boshnjakut, Silvano Martina, i cili për “tuttojuve.com” ka zbuluar se bardhezinjtë i nisën negociatat me 33 vjeçarin, por më pas u zbehën.
“Po, në të kaluarën ka qenë edhe Juve. Ai u afrua të bashkohej me bardhezinjtë para se të mbërrinte Gonzalo Higuain. Synimi fillestar ishte serioz, por më pas ata u ndalën për shkak të sulmuesit argjentinas,” deklaroi ai.
Për autorin e 111 golave në karrierë kishte interes edhe nga Interit, por Roma e “blindoi”, duke rinovuar kontratën me të deri në vitin 2022.
