Një lajm i bujshëm është duke qarkulluar në mediat italiane. Bëhet fjalë për sulmuesin shqiptar Rei Manaj. Sipas ekspertit të njohur të merkatos, Xhanluka Di Marcio, emri i 22-vjeçarit është duke qarkulluar në ambientet e klubit të Xhenoas, teksa lushnjari mund të jetë një goditje në minutat e fundit të merkatos, për të përforcuar sulmin e skuadër të Andreacolit.
Kujtojmë që Manaj rinovoi disa kohë më parë me Albaceten duke firmosur deri në vitin 2024. Klubi i Xhenoas, duhet të paguajë një shumë të konsiderueshme, për ta rikthyer ish-futbollistin e Interit, në Serinë A.